1_ الشاب بيطل على البنت الحلوه بس مو يحوب وحده قمر 14 المهم تكون كيوت وروحها حلوه وجذابه
2_الشاب ما يحوب البنت اللي تعاكسو وتتغزل فيلو وبجمالو علشان هادا دورو في الحياه هههههه
3_ممكن الشاب يعجب فيكي بس لحظه وينساكي ولا كأنو يعرفكي قبل كده
4_لمن يقولك الشاب أنا مو عارف افهمكي يعني بالعربي انتي مابتفكري بنفس طريقتو او زيو
5_أول أسئله بيسألها الشاب لمن يكلم بنت بدل مايقعد ساكت (( أيش أكلتي , أيش تسوي, خارجه فين اليوم))
6_ممكن الشاب تكون عيونو زايغه بس قبل ما يجي ينام يفكر في البنوته اللي يحوبها وتكون هيا أخر صوت ينام عليه وأول صوت يصحى عليه
7_لمن الشاب يحوب يتجاهل كل عيوبك الشخصيه ((يعني مايدقق في كل شي فيكي ويوريكي انك وحشه))
8_إبتسامة منك عندو بالدنيا وما فيها
9_ممكن يعمل اي شي يخطر على بالك أو ما يخطر علشان بس يلفت إنتباهك(( ياعيني ياعيني))
10_الشاب ما يحوب لمن حبيبتو تتكلم عن الشباب وبالذات الحبيب الاولني
11_الشاب يتمنى انو يقول ويقول ويقول عن نفسو وطبعا روميو ما يعرف يتكلم غير عن مغامراتو المجنونه والاكشن حقو
12_الشاب ممكن يبكي علشان البنت اللي يحوبها وصدقوني فيه كتير زي كده
13_لمن تتعرفي على الشاب سعيد الحظ لا تحاولي تعملي مشكله في بداية المشوار ((لا لا تخافو.. لسى قدامكم مشوار ياما هتتخاصمو وتتخاصمو...))
14_الشاب مو زي البنت يعيش في أحلام ورديه يبغى كل شي يتحقق في ثانيه (( الاخ عايش في عصر السرعه))
15_الشاب يموت عالبال ما يتعرف على البنوته اللي مو مديتو وجه بس مو كل مره هوا راح يكسب سي سيد لازم تجيلو بنت توريه نجوم الليل في عز الظهر
16_انتي لمن تدخلي لقلبو اعرفي انو كده مافي ياماما رجعه ((هوا لعب عيال))يعني الله يعينك
17_لا تقوليلو كلام وتسبيه معلق ما يعرف راسو من رجلو مية فكره تيجي ومية فكره تروح (( أبغى اقولك شي ..., اقولك... ))
18_الشاب يموت ويتجنن علشان بس يمسك يد البنت اللي يحوبها (( باين))
19_الشاب لمن يلعب بكلامواللي ينقط عسل يدوخ احسن بنت بس تعالي وحوطيه قدام البنت اللي يحوبها يصير زي البسه مايعرف يهرج يتلكك (( روميو))
20_لمن يقول الشاب للبنت (( امممممم ... يصير خير )) اعرفي انو مو عاجبو كلامك ومو مستعد ينفذو علشان خاطر عيونك
21_الشاب يموت في ((مامتو))يعني كلو إلا هيا ياحلوه
22_الشاب ممكن يفكر في بنت معجب فيهاوبس لا اكتر مو يحوبها ولا ميت في شكلها إعجاب وبس(( انتبهو))
23_الشاب لو قالك في السنه الوحده احوبك بس مره وحده اعرفي إنو فعلا يحوبك(( بس برضو هادا مايمنع يقولك كلام حلو ))
24_صح انو لازم تجربي الشاب أول مره يعني مو زي الغبيه على طول تصدقي اي شي يقولو بس كمان هادا مو معناتو انومافي ثقه
25_الشاب دايمن بيكون كلامو صريح وقوي لمن يتكلم عن نفسو(( عالبالو بات مان))
26_مافي شاب وبالزات في السعوديه ما يعرف يعاكس ((تخصصهم)) ويقول كلام حلو كولهم معاهم الداكتوراه منذ الولاده بس بيختلف من واحد متعود إلى واحد خجول
27_الشاب يحوب البنت المحترمه
28_الشاب بيلحأ للانتيم (( صاحبتك العزيزه ))إزا حب يعملك مفاجأه أو بينكم مشكله ويبغى احد يتوسطلو بس مو بعيده انو بدل ما كان يلجألها علشاان تتوسطلو يقلبوها حب وانتي زي (( الاطرش في الزفه)) وكده هتخسريهم الاتنين
29_اما دي الحركه معروفه لشباب بسوها ازا انتي حبيبتو يقعد يضايقكي ويغلس عليكي ويعلق على كل كلمه بتقوليها
30_الشاب لو حب بنت وكانت مرتبطه هيلاقي 1000 مليون طريقه يبعدكي عن اللي كنتي مرتبطه بيه (( فخلي بالك)) وممكن تحوبيه بعد كده
31_الشاب يحوب البنت اللي عندها عقل
32_الشاب بيحاول يجيب هدايا ممكن تعجبكي فتمثلي عليه انه واو وتجنن واحلى هديه جاتك (( بلاشي بكش يابنت ))
33_الشاب ما يتأمن على سر (( انتبهي ))
34_الشاب عقلو شغال 24 ساعه شي يجي وشي يروح
35_الشاب عندو طولك عادي مو موهم بس اهم شي وزنك
36_الشاب لمن يدخل علاقه يكون جاد لابعد الحدود يعني هيطفش كتير بس لو تحوبيه كتير استحملي هادي طبيعة الشباب لمن يحوبو
37_ غالبا بيكون هنا الموقف صعب على الشاب انو يسيبك خصوصا ازا كنتو مع بعض أكتر من 3 سنين (( يعني كده هيدوس على قلبو ))
39_تحذير!!! الشاب لازم يجرب الرفض وخصوصا ازا كان من موزه اللي ما قدرت تقوم جمالو ((توم كروز على غفله )) علشان يكبر ويبطل لعب عيال
40 _الشاب عموما عندو افعال وشغف انو يتغير للاحسن بس ارادتو ضعيفه يعني محتاج منك تشجيع لو ما عندك مانع
41_الشاب ممكن يكون مع العالم كولها اسد ومافي احد يوقف في وجهو بس تعالي قدام البنوته اللي يحوبها زي البسه ((سوري))مو معناتو انو اتي قويه بس هوا ازا حب هيكون كده
42_لمن يقولك الشاب انو مجنون فيكي اتاكدي فعلاانو يحوبك واكتر الشباب مابيكدبو في ده الشي
43_لمن يقولك الشاب (( أبغى أجلس لوحدي ...)) اعرفي انو محتاج يعني زني فوق راسو علشان يحس انو انتي برضو مهتمه واللي يزعلو يزعلك
44_الشاب لمن يحوب البنت كل شي فيكي حلو يطلعو
45_الشاب لمن يتكلم جد بدون مزح اسمعيه وواريه انك انتي برضو مهتمه
46_ لو الشاب جلس ساكت ما هرج انتي لا تسكتي زيو هاتي هرجه من تحت الارض علشان لا يفضل معاكي ساكت
47_الشاب يحوب البنت في أنوثتها بس ما يحوبها لمن تكون ضعيفه لازم تكون أنوثه مع قوه مع بعض
48_الشاب ممكن يضيع وقتو في (( الكوره ,النت ,بلاي ستيشن )) في الوقت اللي انتي تكوني في مشغوله بأفكارك الرومنسيه وافلام ابيض واسود لا تزعلي بس خدي الموضوع بالسهوله وازا ماعندك مانع حاولي انك تتشجعي معاه وتلعبي معاه